ఉత్తరం చాలులే..

_ప౹౹

_{వ్యర్థమైన ప్రేమలోన ఎదలే మరల మరల కలపను}

_{అర్థమైన ఒక ఉత్తరం చాలులే స్పర్థలే తొలగింపను ౹2౹}

_చ౹౹

_{ఉత్తరమంటే ఉత్త కబురులూ కాదులే ఉపేక్షించను}

_{అత్తరు అగరు గుబాళింపులే అదనులో రక్షించను ౹2౹}

_{కాకి చేత కబురంపేకన్నా ఉత్తరమే ఉత్తమం కాదా}

_{ఏకాకితనమే పోగొట్టి ఎదురుగా నిలిచే నిజం కదా ౹ప౹}

_చ౹౹

_{అత్తమామలు అందించిన అర్ధాంగి పుట్టింటికెళ్ళగ}

_{కొత్తకొత్త కోరికలతో ఆ ఉత్తరమేగ తిరిగి తీసికెళ్ళగ ౹2౹}

_{రాయభారాలకు వ్యవహారాలకూ ఇదియే సాధనం}

_{రాజకార్యాలకు రాసలీలకీ ఉత్తరమేగ మూలధనం ౹ప౹}

_చ౹౹

_{ఉత్తరకుమార ప్రగల్పాలన్నిటనే రాసుకోవటంకన్న}

_{ఉత్తమమైన విషయాలనే లిఖించటం కాదా మిన్న ౹2౹}

_{ప్రేమించే ప్రేమ ప్రవహించే ఆ సాధనం ఈ ఉత్తరమే}

_{ప్రేమించేవాళ్ళకు ఆ ప్రేమ పంపిణీకీను ఈ ఉత్తరమే ౹ప౹}