అదృష్టం తలుపు తట్టింది
అదృష్టం తలుపు తట్టింది
ఘడియ ఘడియకూ తలుపు చప్పుడు
తలపుల్లో నీ రూపే ఎప్పుడూ
రారే లతల్ సరాగముల్ నా ఇంటికి
నీ రాకతో అదృష్టం తలుపు తట్టింది
నువ్వు చెప్పిన అంకెలతో లాటరీ తగిలింది
ఆ తర్వాత డబ్బు తగులుతూనే ఉంది
క్లబ్బుల్లో రేసు పందేల్లో
రియల్ ఎస్టేట్లో
డబ్బు తగులుతోంది
కానీ ఒక ప్రశ్న మిగిలిపోతోంది
ఈ డబ్బు ఆశకు అంతం ఎక్కడ
అదృష్టం సంగతి సరే
ఆ అదృష్టం నా నుంచి ఏం లాగేస్కుంది అని
వినడానికి విచిత్రమే
కానీ ఇది నిజం
వేల సార్లు అనుకున్నా
నానుంచి దూరమైన నన్ను తెలుసుకోవాలని
డబ్బులు లెక్కపెట్టుకుంటూ కాలం గడిచిపోయింది
ఇక అదృష్టం వంతు..