నా దేవేరి
నా దేవేరి
ఊర్వశి చిన్నెలు... మేనక వన్నెలు ఏమి వద్దు...
నా చూపుల వేడిమిలో...
ఎరుపెక్కిన బుగ్గలలో మొలక సిగ్గులు చాలు!!
కలువ కన్నులు కానక్కరలేదు...
నను కనుపాపలలో దాచుకునే కాటుక కన్నులు చాలు!!
లోకంలోని అందాలన్నీ తనలో ఉండాలనిలేదు...
తన లోకమే నేను అయితే చాలు!!
నింగిన తారకనో... నేలన మల్లికనో కానవసరం లేదు...
మూర మల్లెలు కొప్పునపెట్టి...
ఆ తారలోచ్చు వేళ నా ముంగిట నిలిచితే చాలు!!
రాయంచ నడకలు... రాచిలుక పలుకులు రావాలని లేదు...
నాతోడై... నీడై... నాలో సగమై...నామాటకు పదమై...
నా ఆశకు అడుగై...నాతో నూరేళ్ళు నడిచే...నా దేవేరి కావలి!!