నీ స్నేహం
నీ స్నేహం
పసిడివెలుగు పూలతోట విడువలేను నీ స్నేహం..!
క్షణానికో ప్రేమలేఖ విప్పలేను నీ స్నేహం..!
మోహమింత లేని చెలిమి పండించే అద్దమీవె..!
నీ చూపుల దారినింక వదలలేను నీ స్నేహం..!
మాటవరుస మాటలెంత గుబులు పుట్టించునో కద..!
ఈ జన్మకు పూర్ణశ్వాస కొలువలేను నీ స్నేహం..!
దాహమైతె ఆగమేఘ మౌతావుగ నా కోసం.!
తహతహలకు తగు ఊరట..మరువలేను నీ స్నేహం..!
ఎంత తిట్టిపోస్తున్నా నవ్వుతావె కిలకిలమని..!
ఎలా అలా ఉండటమిక..చూపలేను నీ స్నేహం..!
ఓ మనసా తెలుపవేర అడుగుటెలా కన్నులతో..!
సుస్వరాల తేనె పాట..దాచలేను నీ స్నేహం..!