నన్ను కదిలిస్తూనే ఉంది
నన్ను కదిలిస్తూనే ఉంది
దీనంగా.. మౌనంగా.. మాష్టారు చెప్పేది వింటూ కనిపించింది....
ఒక్క క్షణం నాకేమయ్యిందో నాకే అర్ధం కాలేదు.. అలా ఉండిపోయా....
తనని తనివి తీరా చూడాలని నా కన్నుల వేట మొదలయ్యింది....
ఒక్క సారిగా ఉలిక్కి పడ్డా.. తన చూపు నన్ను తడిమినప్పుడు....
తనని మళ్ళి మళ్ళి చూడాలని మనసు ఉవిళ్ళు ఊరుతోంది....
ప్రతీ సారి అలలు తీరాన్ని తాకాలని ప్రయత్నించినట్టు సాగింది నా చూపు....
గమనిస్తూనే ఉన్నాను.. తను తన పనిలో నిమగ్నమయ్యింది....
మంచి తరుణం మించినా దొరకదు, తన అందాన్ని నా కన్నుల్లో బంధించా....
తన పాదాలు తరుగు పెట్టిన పాల రాతిలా స్వచ్చంగా ఉన్నాయి....
ఆ పాదపద్మాలపై తలను వాల్చి సేదతీరాలని అనిపిస్తుంది....
తన అణువణువులో అందాలు వస్త్రాల తెర చాటున తాండవిస్తున్నాయి....
ఆ వస్త్రాలకు అందం ఆమె ఒంపు సొంపుల వల్లే వచ్చి ఉండాలి....
మచ్చలేని మోము.. ఎర్రని పెదాలు.. స్వచ్చమైన నవ్వు ఆమె సొంతం....
మంత్రముగ్ధమైన మనోహర రూపాన్ని చూస్తూ నన్ను నేను మర్చిపోయా....
కొన్ని క్షణాలకు ఆమె లేచి దేవకన్యలా నా ముందు నుంచి వెళ్ళిపోయింది....
తాను వెళ్ళినా తన రూపం కన్నులలో కదుల్తునే ఉంది... నన్ను కదిలిస్తునే ఉంది.