శారద
శారద
1.
మత్తకోకిల.
భారతీసతి పాదయుగ్మము భక్తిమీరగ కొల్చినన్
జేరి విద్యనొసంగి బ్రోచును చిన్మయాత్మజ ప్రేమగన్
ధారగా కవితాసుధల్ వరదాన మిచ్చెడి దేవితాన్
కోరి భక్తుల మానసంబున కొల్వు చేయును ప్రీతిగన్.//
2.
చంపక మాల.
సరసిజ నేత్రి విశ్వమున సామ శృతంబగు నాద రూపియై,
నిరుపమ వేదమూర్తి, ధరణీ పరిపాలకి, వర్ణ మాతృకై
కరమున వీణ బట్టి మమ కారము చిల్కెడి వీక్షణంబుతో
వరముల నిచ్చు భారతికి భక్తిగ మ్రొక్కెద నెల్ల వేళలన్ //
3.
ఉత్పల మాల.
తెల్లని తల్లి శారదయె
తీయని పల్కుల నందచేసి నా
యుల్లమునన్ వసించి ముదమొంద కవిత్వము వ్రాయ నేర్పగన్
మెల్లిగ పద్య మల్లితిని
మేలునొ సంగెడి భారతీసతిన్
జల్లని చూపుల కావు మంచు మన సారగ దల్తును భక్తి శ్రద్ధగన్//