ఉడతా ఉడతా ఊచ్
ఉడతా ఉడతా ఊచ్
ఉడతా ఉడతా ఊచ్
ఎక్కడికెళతావోచ్ అని అడిగాను
మీ ఇంటికే వస్తానోచ్ అంది
తప్పకుండా రావోయ్
బెల్లం అటుకులు తింటావా
దోసె గింజలు తిందామా
రావోయి ఉడతా అని పిలిచాను
ఇంటి వెనుక నిద్ర గన్నేరు చెట్టు
చెట్టు కింద నేను
చెట్టు పైన ఉడత
వేసంకాలం ఉదయాలు
ఆ ఉడతతోనే నా కాలక్షేపం
నా బాల్యంలో ఆ రోజులు మరచిపోలేని అనుభవం
తరువాత ఎన్నో ఉడుతలు వచ్చేవి
పిచ్చుకలు పావురాలు నా చేతులపైన ఎక్కి ఆడేవి
కల్మషం లేని లేత మనసు
పక్షులతో అట్టే కలిసిపోయింది