ఉత్తర సందేశం

_ప౹౹

నీకు నాకూ మధ్య ఉత్తరమేగా ఊసులు చెప్పేది

రేపు మాపు రాసుకుంటేనే భావాలు పురి విప్పేది ౹2౹

చ౹౹

మేఘసందేశం పంపనూ కాళిదాసునూ కాదుగా

అమోఘ ఆవిష్కరణకీ ఏ మహత్యము లేదుగా ౹2౹

మామూలూ కాగితం చాలులే మనసు విప్పనూ

అమూల్యముగ చెప్పనా అసలు ప్రేమ గొప్పనూ ౹ప౹

చ౹౹

గుండెలో గుబులు చెప్పునే గుదిగుచ్చి గురిగాను

ఎండమావుల్నే పండువెన్నెల్లా చూపునే సరిగాను ౹2౹

కల్పనలెన్నో కనువిందుగా రాయొచ్చూ కవితతో

పరికల్పనలెన్నెన్నో ప్రేమికులా ముందరి భవితతో ౹ప౹

చ౹౹

రోజు రాసుకునే ఊసులకు ముహూర్తాలెందుకూ

బాజా భజంత్రీలు అవసరమే లేదులే చెప్పేందుకు ౹2౹

ఎదలో మొలచినా ఎలిమికి ఊపిరిలూదే ఉత్తరం

సొదలేక ఆ సొగసూ అందించినే అలా తరంతరం ౹ప౹