వేట కోసం..
వేట కోసం..
నక్కల ఊళలు వినిపిస్తుంటే
మెరిసే మెరుపులు
కొత్త దారిని చూపిస్తుంటే
కన్నులు తీక్షణంగా చూస్తూ
గమనిస్తుంటే
గుర్రపు శ్వాసలు తీవ్రంగా అనిపించాయి
రాజో సైనికుడో
వచ్చిన వాడెవడో
అని చెట్లు గుసగుసలాడుకున్నాయి
దూరంగా నీటిలో అలికిడి
ఏదో జంతువా
అతనికి ఆహారం కాబోయేది ఏమిటో
ఎవరో
ఏ మనిషో పారిపోయి
ఇక్కడ తలదాచుకోలేదు కదా
బుల్లెట్టుకి అవన్నీ అనవసరం
అతని చెయ్యి తుపాకీని గట్టిగా పట్టుకుంది
గురి తప్పిందా
లేదా
ఆమె అక్కడ ఉందని
కావాలనే గురి తప్పించాడా
అతని వేటకు ఫలం దక్కినట్టు అనిపించింది
ఆ క్షణం
అడవినతను జయించినట్లనిపించింది..