వీరసైన్యం
వీరసైన్యం
ప౹౹
వీరుడా వీరుడా ప్రాణాలను త్వజించిన శూరుడా
దేశమాత సేవలో దేహాన్ని చాలించిన ఓ ధీరుడా
వందనం వందనం వందనం నీకు మా వందనం ||2||
చ||
భరతమాత ముద్దుబిడ్డగా నీ త్యాగమే అమరం
కొరతలేదు యోధులకు సాగించేందుకు సమరం ||2||
దొంగ ముష్కరులనే దొరకబట్టి నరకాలి సాంతం
అదే అసలైన నివాళిలే తీర్చిన నాడు ఆ పంతం ||ప||
చ||
వీర భూమికై రక్తతర్పణంతో నిలిచావు చరిత్రలో
అంతకు మించి ఆత్మార్పణం ఉన్నదా ధరిత్రిలో ||2||
చాటుమాటు దాడులతో చెదరిపోదే మా స్తైర్యం
అంతకు వేయింతలే పెరిగీ వెలిగేను మా ధైర్యం ||ప||
చ||
నేలకోసం నెత్తురోడ్చిన ఆ పుణ్యజన్మా పునీతం
నేలకొరిగిన వీరత్వం నెగడై నిలిచి పెంచే ఊతం ||2||
రగిలిన గుండెలే రణభూమిలో చేసాయి సవాలే
వక్రబుద్ధిని వధించటం వీరులకే అసలైన నివాళే ||ప||