విఫల ప్రేమ
విఫల ప్రేమ
మౌన స్నేహమే ఎరుకపరచదు ఎదలోని ఎలమి
ఘన లాసమూ గమనించదు మదిలోని చెలిమి
వింత ప్రయాణంలో అంతేసి మోహం తరగలేదు
ఎంత దూరమెళ్ళినా కొంత దాహమైన తీరలేదు
మౌన స్నేహమే ఎరుకపరచదు ఎదలోని ఎలమి
ఘన లాసమూ గమనించదు మదిలోని చెలిమి
అయినా ఆ గుండెలో రూపం ఇంకా చెదరలేదు
పోయినా పోదులే జ్ఞాపకం మనసే మరువలేదు
కథ పాతదే గాని కలకలమే మనసునే వదలదు
వ్యధ ఒకటే మిగిలే జీవితాన ఇంకేమి మిగలదు
మౌన స్నేహమే ఎరుకపరచదు ఎదలోని ఎలమి
ఘన లాసమూ గమనించదు మదిలోని చెలిమి
తీరని దుఃఖమే విడదీయని బంధమాయేనులే
చేరని కోరిక చెమ్మగిల్లే కళ్ళకు ఓదార్పయేనులే
మారనివ్యాపకం మనసులో మరల రగిలేనులే
కోరని ఎడబాటు కనికరం లేక ఇక చెలరేగేనులే
మౌన స్నేహమే ఎరుకపరచదు ఎదలోని ఎలమి
ఘన లాసమూ గమనించదు మదిలోని చెలిమి
అంతేలే ఆ ప్రేమలే ఆ ఎడారిలో ఎండమావులు
కొంతైనా ఆ దప్పికైన తీర్చలేని ఎండిన బావులు
అంతేలే ఆ ప్రేమలే ఆ ఎడారిలో ఎండమావులు
కొంతైనా ఆ దప్పికైన తీర్చలేని ఎండిన బావులు
మౌన స్నేహమే ఎరుకపరచదు ఎదలోని ఎలమి
ఘన లాసమూ గమనించదు మదిలోని చెలిమి
వింత ప్రయాణంలో అంతేసి మోహం తరగలేదు
ఎంత దూరమెళ్ళినా కొంత దాహమైన తీరలేదు