દીપાવલી મનાવો

દીપાવલી એવી મનાવો હરખે મનડું આપણું,

જ્ઞાનનાં દીપો પ્રગટાવો, રોશન મનડું આપણું,

ક્રોધ, ઈર્ષા ને અદેખાઈ ફટાકડાં સંગ ફોડીએ,

કાઢીએ મનમાંથી વેરઝેર, સાફ મનડું આપણું,

રાગ, દ્વેષ ને લાલચની ધૂળ ખંખેરી નાંખીએ,

અંતરાત્મા અજવાળીએ, ચમકે મનડું આપણું,

મોહમાયાની જાળ તોડી અંતરમનમાં ઝાંકીએ,

જ્યોત બની અજવાળું, ફેલાવે મનડું આપણું,

વિશ્વાસ રાખી શ્રીહરિ પર, ઉત્સવ મનાવીએ,

શ્રદ્ધારૂપી જ્યોતથી ઝગમગશે મનડું આપણું.