ગુલાબનો જાદુ
ગુલાબનો જાદુ
વહેલી પ્રભાતે થયું દર્શન ગુલાબનું,
જાણે મિલન થયું, કોઈ શબાબનું,
હતું કોઈ એવું તત્ત્વ, જાણે નીરખ્યા જ કરું,
અને મારી અદમ્ય ઈચ્છાને સજાવ્યા કરું,
ઈચ્છા દબાવી, કરી બંધ બારી,
ચુંબકીય તત્ત્વ આગળ, ન ફાવી મારી કારી,
અતૃપ્ત ઈચ્છામાં જાણે ખીલી વસંત,
ન આવ્યો મારી ઈચ્છાનો કદીય અંત,
અંતે ઈચ્છા પ્રભાતે થઈ મારી સંતૃપ્ત,
સુંદર પ્રભાતને મળ્યો,
જાણે વિજય જ્વલંત,
નહોતું સમજાયું એ ચુંબકીય તત્ત્વ
આજીવન સમજાવી ગયું એ મહત્ત્વ.!