હું કેમ ભૂલી શકું ?

તારું પ્રેમથી છલકાતું સ્મિત

પ્રેમનો એ પહેલો અહેસાસ

હું કેમ ભૂલી શકું ?

તારું મારી સાથેનું હોવાપણું

મારું તારામાં ખોવાપણું

હું કેમ ભૂલી શકું ?

સંવાદો વચ્ચે વચ્ચે થતું તારું મૌન

અને મૌન સાથેનો તારો સંવાદ

હું કેમ ભૂલી શકું ?

તારો સાદગી સાથેનો શણગાર

તારો નજરોથી અપાતો મીઠો ઠપકો

હું કેમ ભૂલી શકું ?

ઉજ્જવળ ભવિષ્યના સપનાં

તારી સાથે સુખી દામ્પત્યના સપનાં

હું કેમ ભૂલી શકું ?

મારી ખુશીઓની દુઆ માંગતી તારી આંખો,

તારા સાથેનો મારો અપૂર્ણ છતાં પૂર્ણ પ્રેમ

હું કેમ ભૂલી શકું ?