ઝુરાપો

ભીડ વચ્ચે ભયાનક એકલતાનો ઝુરાપો કોને કહું ?

ઘટાદાર વૃક્ષમાં એક પીળા પાનનો ઝુરાપો કોને કહું ?

એ વચન આપીને ગયા છે ત્યારની હું અહીં જ ઉભી છું,

મારા તપ ને આ વિરહની બળતરાનો ઝુરાપો કોને કહું ?

ને અમર્યાદ ઉછળતા સાગર જેવી મારી આ તન્હાઈ,

મારી તિવ્ર પ્યાસની પરાકાષ્ઠાનો ઝુરાપો કોને કહું ?

માળી જ કઠિયારા બની બેઠા હવે ગુલશન ગુલશન,

મુરઝાયા પહેલાંની આ ભેદી વ્યથાનો ઝુરાપો કોને કહું ?

ઉંમરના અંતિમ ઓવરે મારા જ ઘરમાં છું હું અજનબી,

વૃદ્ધત્વમાં આવી પડેલી આ અવસ્થાનો ઝુરાપો કોને કહું ?

એક "પરમ" દર્દના કિનારે અટકી જર્જરિત નાવ મારી,

તારા મિલન સુધીના "પાગલ" પનનો ઝુરાપો કોને કહું ?