જૂર્રત કરી છે

છે મૂર્જાઈ ને ખરી જવાનું નિશ્ચિત ને અલ્પ મારી આયુ,

છતાં સુગંધ ને સુંદરતા લઈ, ખીલવાની જૂર્રત કરી છે.

તૂટીશ, કચડાઈશ, મુર્જાઈશ, હું પડીશ નોખું ડાળથી,

છતાં મારી દરેક પાંખડી ને, જકડવાની જૂર્રત કરી છે.

નહિવત છે અસ્તિત્વ મારું, આ વિશાળ ધરણી પર,

છતાં અનંત આસમાનને, અડકવાની જૂર્રત કરી છે.

છે હવામાં જોર એટલું, કે પળવારમાં પીંખી નાખે મને,

છતાં મેં એની ત્રેવડને, લલકારવાની જૂર્રત કરી છે.

આવશે અંત જીવનનો, છું નાશવંત એ સત્ય જાણું છું,

છતાં મેં મારા મૃત્યુ ને, પડકારવાની જૂર્રત કરી છે.

નથી પરવાહ જગતની કરી, શું કહેશે નથી વિચાર્યું કદી,

પ્રત્યેક પળ જીવી મેં છટાથી, ખરવાની જૂર્રત કરી છે.