મારી લાગણી
મારી લાગણી
મારી લાગણીને પગ નથી, અન્યથા ફરી જાત પરત હો ને !
મારી લાગણી છે, કંઈ તું નથી ! અન્યથા પલટી જાત તરત હો ને !
કાંચિડા સમ જન્મજાત, કોઈ નથી મારામાં ખાસિયત !
મારી લાગણીનાં પણ રોજ-રોજ, બાકી રંગ ફરત હો ને !
સમંદરની ખારાશમાં ક્યાંય નજરે ન ચડી મીઠાશ,
મારી લાગણી બાકી સરિતા બની, આકરા ઢાળે સરત હો ને !
ખુદ રિસાઈને ખુદ પછી, માની જવાની આદત,
મારી લાગણી ન્હોતી પર્ણ, બાકી કાયમ માટે ખરત હો ને !
આંસુ આંખોમાં બન્યાં ઝાંકળ, ન બની શક્યાં એ વાદળ,
મારી લાગણી બાકી છેક આકાશેથી ઝરત હો ને !
'મીરાં' છું તો માધવ ભક્તિ ધર્મ છે મારો,
મારી લાગણી હોત ઠાલી 'ઝંખના', તો તને જ ભેટ ધરત હો ને !