ફાગણનો ઉત્સવ
ફાગણનો ઉત્સવ
ફાગણના ઉત્સવની રીત અનેરી,
પ્રિયતમના આગમનની છું ઘેલી..
રંગે રંગાઈ છું પ્રિયતમના,
શ્યામના જ પ્રેમની છે મને તો તાલાવેલી..
કેવી અનોખી છે આ હોળી,
હું તારા રંગે રંગાઉં ને;
તું મારા શબ્દે રંગાય..
પ્રભુ તારા દર્શન માત્રથી જ
હું તો થઈ જાઉં અલબેલી..
પ્રિયતમના આગમનની હું છું ઘેલી..
ભક્તિ રંગે ન્હાવું છું,
સુધ-બુધ ખોઈ જાઉં છું,
તારા ચરણોની ધૂળ થઈ જાઉં છું,
પ્રભુ તારા સ્મરણ માત્રથી જ
હું તો થઈ જાઉં શર્મિલી..
પ્રિયતમના આગમનની હું છું ઘેલી.