પ્રેમ દિવાની
પ્રેમ દિવાની
જોયાં મે જ્યારથી તમને,
બસ જોયાં જ કરું છું,
હું શું કરું પણ,
મારા કાબૂમાં મારું મન નથી,
હસતા ચહેરાને હું,
કેમ રે વીસરીશ,
આ દલડાં નથી થાકતાં,
નામ તમારા લેતાજી,
શમણામાં રાચતાં અમારા,
નીંદલડી ગઈ ક્યાં અમારી,
દિવાના કરી ગયા તમે,
પહેલી એ ઘડીમાં જ,
શું રે કરું હું તો,
આજ ના રહેવાય, ના સહેવાય,
એવા રે કરી ગયા તમે,
અમે તો બસ જાગતા જ રહી ગયા,
લાગણીના તારથી અમે બંધાયા,
પ્રીત કરી બેઠાં તમને રે,
હંસલા કેરી પ્રીતડી અમારી,
અમે તો તમારા જ પ્રેમ દિવાના રે,
તમારાં જ પ્રેમ દિવાના રે.