પરંપરા

રમત-રમતમાં જગન મનનને પૂછી બેઠો એક વાત,

" હેં લ્યા, કેમ આ પીળું શર્ટ ? આ તે કેવી વાત ?"

મનન કહે, " જગન, ફક્કડ શર્ટનો વટ મારા દાદાનો છે ! "

વળેલો કોલર, માંહ્ય બટન, અંદાજ મારા નાનાનો છે ! "

"નિત-નવી દેશ-વિદેશની વાતો છે મારાં દાદીમાંની,

અંતર મનમાં વિચારોની ધારા વહે છે નાનીમાંની !"

"ફોઈબા બહુ લાડ લડાવે, મને પકવાન જમાડે છે !

માસી ખોળામાં બેસાડી, ગલી કરીને હસાવે છે !"

"ફુઆ છે હોશિયાર શ્રેષ્ઠી, ગામમાં તેમનું માન છે,

માસા અપાવે કુલ્ફી-આઈસક્રીમ, મજાની દુકાન છે !"

"ખરી વાત છે તારી મનન,"જગન ત્યાં બોલી ઉઠ્યો,

"વડીલો સૌ ભેગાં મળીને, આપે છે જીવનનો રોલો !"

"દાદા વ્હાલા-દાદી વ્હાલા, વ્હાલાં નાના-નાની,

તેમની ટોળી ભેગી થઇ, શીખવે સૌને દુનિયાદારી !"