સોનેરી સવાર

આજ સપનામાં આવી'તી મારી સોનેરી સવાર !

ક્યાંક આડે હાથે મૂકાઈ ગઈ,

ફૂલો શી મહેકતી, મારી સોનેરી સવાર !

સૂરજનાં કિરણોથી ઝળકતી,

ખિલખિલાટ હસાવતી, મારી સોનેરી સવાર !

કોઈ જૂઓ તો મને કહેજો,

યાદ બહુ આવે મને, મારી સોનેરી સવાર !

કોઈએ ચોરી તો નથી ને,

સોને-રૂપે મઢેલી, મારી સોનેરી સવાર !

દૂર-દૂરથી પોકાર કરતી,

શું મારાથી રિસાઈ છે ? મારી સોનેરી સવાર !

આળસ મરડીને તે આવી,

બોલી કે હું આ રહી, મારી સોનેરી સવાર !

રમતી'તી હું સંધ્યા સાથે,

પણ હવે છું હું તારી પાસે, મારી સોનેરી સવાર !

સૂરજદાદાની નાની દીકરી,

લાવે તે શુકનનો રસથાળ, મારી સોનેરી સવાર !