પતંગિયું
પતંગિયું
મારા બાગમાં આવ્યું મજાનું એક પતંગિયું;
રંગીન પાંખોવાળું આવ્યું મજાનું એક પતંગિયું,
ફૂલડે ફૂલડે કેવું ઘૂમી રહ્યું,
નીતનવી ડાળીએ ઝૂલી રહ્યું;
દિલડા સૌના કેવા ચોરી રહ્યું,
મારા બાગમાં આવ્યું મજાનું એક પતંગિયું;
રંગીન પાંખોવાળું આવ્યું મજાનું એક પતંગિયું,
ઝીણી ઝીણી આંખે કેવું ગોતી રહ્યું,
ફરર ફરર ફોરમને સૂંઘી રહ્યું;
બાલુડા સંગે કેવું એ નાચી રહ્યું,
મારા બાગમાં આવ્યું મજાનું એક પતંગિયું;
રંગીન પાંખોવાળું આવ્યું મજાનું એક પતંગિયું,
સવાર થાતા કેવું આવી રહ્યું,
પુષ્પોની ઝાકળને ચાખી રહ્યું;
ગીતડા મજાના કેવા લલકારી રહ્યું,
મારા બાગમાં આવ્યું મજાનું એક પતંગિયું;
રંગીન પાંખોવાળું આવ્યું મજાનું એક પતંગિયું,
સૌના મન હરી લેતું કેવું ઊડી રહ્યું,
ઝટપટ દોડ એ આભે લગાવી રહ્યું;
'ફાગ' ની સંગે કેવું મુક્ત બની ફરી રહ્યું,
મારા બાગમાં આવ્યું મજાનું એક પતંગિયું;
રંગીન પાંખોવાળું આવ્યું મજાનું એક પતંગિયું.