શ્રીહરિ હશે
શ્રીહરિ હશે
કારણ વિના કૃપા કરનાર શ્રીહરિ હશે,
ભક્ત આરઝૂ સમજનાર શ્રીહરિ હશે.
નથી કોઈ સ્થળ એવું જ્યાં ન હોય એ,
ઘટઘટમાં સદાય વસનાર શ્રીહરિ હશે.
એ પણ ઝંખતો હશે કદી નિજજનને,
ભક્તોનો સાદ સાંભળનાર શ્રીહરિ હશે.
સ્તુતિનિંદા ઊભયથી એ પર છે હંમેશાં,
મનની મૂંઝવણને કળનાર શ્રીહરિ હશે.
કૈક પાતકીઓ કરે છે પોકાર પ્રભુ તમને,
એને ભવજળથી તારનાર શ્રીહરિ હશે.
ભૂલીને ભલું થવાનો છે સ્વભાવ એનો,
વિપદાટાણે દોડીને આવનાર શ્રીહરિ હશે.