સમયનો પાલવ

જીંદગીનાં ખભેથી સમયનો પાલવ સરકી ગયો,

એક સંબંઘ હાથમાંથી હવાની જેમ સરકી ગયો,

એની આંખથી મારી આંખ મળી માત્ર એક જ ક્ષણ,

ત્યાં તો ધબકારો રૂદિયાનો હોઠ ઉપર મલકી ગયો,

ઉમરનો ઉભરો હતો ઉરનાં ઉમળકાનો અમથો,

અનુભવે સમજાયું તો આંખડીમાંથી છલકી ગયો,

ન જાણે કેટલાં જન્મોથી હોમાતી આવી રૂહ મારી,

તને પામવાનાં અભરખામાં ફરી એક ભવ ભરખી ગયો,

"પરમ" વચનને કિનારો કાલિન્દીનો યાદ કર છોગાળા,

આ પવન પલટે એમ શું કામ તું પ્રેમમાં "પાગલ" પલટી ગયો?