તરસતી રાત
તરસતી રાત
પ્રતીક્ષા નયનમાં આંજી તરસતી રાત ગઈ વીતી,
તમારી યાદમાં શબનમ વરસતી રાત ગઈ વીતી,
જુઓને આ અટૂલી રાત જેવી જાત છે મારી,
તમારી રાહમાં વાલમ સરકતી રાત ગઈ વીતી,
મરે છે એક વિણ બીજું અમર સારસ તણી જોડી,
તમારી વાતમાં અણનમ ઊતરતી રાત ગઈ વીતી,
હૃદયમાં રણઝણે છે બંસરીના નાદ સમ કોઈ,
તમારી આશમાં ધડકન ઊલઝતી રાત ગઈ વીતી,
હવે તો વાટ જોઈને સરે 'ઋજુ' આંખથી મોતી,
તમારી સાથ રહું હરદમ તડપતી રાત ગઈ વીતી.