વરસાદ વરસી જાશે
વરસાદ વરસી જાશે
1 min
632
મન ભરાઈ જાશે જો વરસાદ વરસી જાશે !
આજ તું મને કહી શકશે, ને વરસાદ વરસી જાશે,
મન ભરીને કરશું ગોષ્ઠિ આપણે પણ જોજે,
વાદળ ગરજશે ગગનમાં, ને પછી વરસાદ વરસી જાશે !
પલળશે હૈયે હૈયાં સઘળાં એકબીજાં સાથે,
સંધ્યા ખીલશે ગુલાબી જ્યારે વરસાદ વરસી જાશે,
આવો "રવિવાર" પણ હશે ભર ચોમાસે જો !
તું શરમાઈ પણ જાશે, ને વરસાદ વરસી જાશે !
ઉમળ-ઘૂમળ રહ્યું છે વાદળનું કામ બસ,
ક્યારેક એમ થાય; લઉં નિસરણી ત્યાં વરસાદ વરસી જાશે,
વણઉકેલ્યા કથનને મળી જાશે ઓપ એકાદ,
આવાં માહોલમાં જ જોજે તું વરસાદ વરસી જાશે !
રહી છે વર્ષોથી તમન્ના પલળવાની "હીના";
સાંજ થાશે, ને વ્યાકુળ વ્યોમ સંગ વરસાદ વરસી જાશે !