ಅಪ್ಪನ ನಟನೆ
ಅಪ್ಪನ ನಟನೆ
ಪುಟ್ಟನ ಅಪ್ಪ ದಿನವೂ ಮಾಡುತ್ತಲೇ
ಇರಬೇಕು ಬಗೆಬಗೆಯ ನಟನೆ
ಇಲ್ಲದಿದ್ದರೆ ಪುಟ್ಟನನ್ನು ಸಮಾಧಾನಿಸುವುದು
ಬಲು ಕಷ್ಟದ ವಿಷಯವೇ
ಎಷ್ಟೇ ಆದರೂ ಪುಟ್ಟ ಅವರಪ್ಪನ ಮಗನಲ್ಲವೇ..?
ಹಾಗಾಗಿಯೇ ಚೇಷ್ಟೆ ತರಲೆಗಳು ಬಲು ಜೋರೆ..!
ಪುಟ್ಟನ ಮುಂದೆ ಅಪ್ಪ ಹೊರಗಡೆ ಹೋಗಬೇಕೆಂದರೆ ಮಾಡಬೇಕು
ಸರಿಯಾದ ಯೋಜನೆ
ಇಲ್ಲದಿದ್ದರೆ ಪುಟ್ಟ ಸೂರು ಹಾರಿಹೋಗುವಂತೆ
ಕಿರುಚಿ, ಎಲ್ಲರನ್ನೂ ಭಯ ಬೀಳಿಸುತ್ತಾನೆ..!
ಪುಟ್ಟನ ಆಟಕ್ಕೆ ಕಡಿವಾಣ ಹಾಕಲು
ಅಪ್ಪ ನಟಿಸಬೇಕು ನಿದ್ದೆ ಬಂದಂತೆ
ಇಲ್ಲದಿದ್ದರೆ ರಾತ್ರಿ ಕಳೆದು, ಬಾನಲ್ಲಿ ರವಿ ಮೂಡಿದರೂ ಪುಟ್ಟನ ಆಟಕ್ಕೆ ವಿರಾಮವೇ
ಬೀಳುವುದಿಲ್ಲವಂತೆ..!
ಎಷ್ಟೇ ಕಾಡಿಸಿ ಪೀಡಿಸಿದರೂ, ಆಡುವ ಸಮಯದಲ್ಲಿ ಆಟ, ಓದುವ ಸಮಯದಲ್ಲಿ ಓದು ಎನ್ನುವ
ಪುಟ್ಟನೆಂದರೆ ಅವರಪ್ಪನಿಗೆ ಬಲು ಪ್ರೀತಿಯಂತೆ
ಅದಕ್ಕೇ ಅಲ್ಲವೇ ಹೇಳಿದ್ದು, ನಮ್ಮ ಪುಟ್ಟ ತುಂಟನಾದರೂ ಬಲು ಜಾಣನೇ..!