ಹೃದಯದ ಪ್ರೀತಿ ತೇರು...
ಹೃದಯದ ಪ್ರೀತಿ ತೇರು...
ಪ್ರಿಯ ಸಖಿ ನಾ ಕರೆದು ಬಿಡಲೇ
ನಿನ್ನೆಸರನ್ನೊಮ್ಮೆ ನೀನು ಒಪ್ಪಿದರೆ
ಸಂತೋಷದಿಂದ ಇಳಿದು ಬಿಡಲೇ
ಹೃದಯದಲ್ಲೊಮ್ಮೆ ನೀ ಮೆಚ್ಚಿದರೆ..
ಕಣ್ ಕಣ್ ಸಲಿಗೆಗೆ ಸೇತುವೆ ಕಟ್ಟಿ
ಮನಸುಗಳಿಗೆ ಕಾಮನ ಬಿಲ್ಲ ಬಿಟ್ಟಿ
ಹೃದಯದರಮನೆಯ ಕದವ ತಟ್ಟಿ
ಜನುಮದ ಜೋಡಿಯಾಗಿ ಹುಟ್ಟಿ..
ಮನಸಲ್ಲಿ ಭಾವ ತುಂಬಿ ನೂರಾರು
ಆಸರೆಯ ಕೊಡುವವಳು ನೀನಾರು
ಸ್ಪೂರ್ತಿ ತುಂಬಲು ಹಸೆಮಣೆಯೇರು
ಕಾಯುತಿದೆ ಹೃದಯದ ಪ್ರೀತಿ ತೇರು..
ಹೃದಯದ ಹಾಡು ಕೇಳು ಬಾ ಸುಮ್ಮನೆ
ದೂರದಲಿ ನಿಂತೆ ನಾಚಿಕೆಯಲಿ ಬಿಮ್ಮನೆ
ಅರಿಯಲಾರೆಯಾ ಈ ಮನಸಿನ ಭಾವನೆ
ಉಯ್ಯಾಲೆಯಾಗಿ ಹೃದಯಂಗಮ ಕಾಮನೆ...
ಕಣ್ಮುಂದೆ ನಿಂತು ಕಾಡುವೆ ಕರೆದರೆ ಬರದಿರುವೆ
ಕರೆಯದೆ ಕನಸಲೂ ಕಣ್ ಹೊಡೆದು ಕಾಡುವೆ
ಕೈಗೆ ಸಿಗದೆ ಆಟ ಆಡಿಸಿ ದೂರ ದೂರ ಓಡುವೆ
ಮನಸು ಮನಸಲ್ಲಿ ನವಿರಾದ ಭಾವ ತೋರುವೆ...