भेट

वेडा पारिजात आज बहरला

रातराणीने गंध उधळला 

दिवस आजचा फुलून गेला 

क्षण सौख्याचा इथे थबकला

डोळ्यात तुझ्या मी मला पाहिले 

अन माझ्या नयनी तुला रेखीले 

देहावरती तव स्पर्शाने 

मोरपीस जणू अलगद फिरले 

तुझ्यात मी अन माझ्यात तू 

एक जाहली आपुली तनू 

भेदामधले अंतर मिटले 

श्वास आपुला एक जणू 

धुंद तुझ्या त्या मिठी मध्ये 

मी पणा माझा विरुन जावा

अन प्रेमगंधाने मंतरलेला 

दिन पुन्हा हा फिरुनी यावा.