गंध प्रेमाचा

लाजरा हा , साजरा  हा गंध  प्रेमाचा  नवा 

फुलूनी आला , खुलूनी आला , अंतरंगी मोगरा 

मन वेडे माझे , बेधुंद झाले गं

मी चिंब चिंब प्रीतीत न्हालो गं

लाजरा हा , साजरा हा, गंध प्रेमाचा नवा 

फुलूनी आला , खुलूनी आला , अंतरंगी मोगरा 

मन वेडे माझे , बेधुंद झाले रे 

मी चिंब चिंब प्रीतीत न्हाले  रे

हरवले डोळ्यांत माझ्या , रूप तुझे देखणे 

तुला पाहूनी , प्रिये मोहरले , सांजउन्हात चांदणे 

माझी आबोली तू , माझी सावली तू 

तू  माझी सखीसाजणी ...

सूर हॄदयीचे , रिमझिम बरसले गं

मी चिंब चिंब प्रीतीत न्हालो गं

मन वेडे माझे , बेधुंद झाले गं

मी चिंब चिंब प्रीतीत न्हालो गं 

हवेहवेसे वाटे मला , तुझ्यात जीव गुंतणे 

तूच गाणे , तू तराणे , तुझ्यावाचून जग सुने ,सुने

माझा श्वास तू , माझा ध्यास तू 

तू माझा सखासाजणा ...

रंग आभाळीचे , धरणीत मिसळले रे

मी चिंब चिंब , प्रीतीत न्हाले रे 

मन वेडे माझे , बेधुंद झाले रे 

मी चिंब चिंब प्रीतीत न्हाले रे