हातात हात घालून फिरलास...!

हातात हात घालून फिरलास

सख्या तू तर मज पुरून उरलास

सांग तुझ्या त्या अबोल नयनांची भाषा

आठवून सारी रात जागते मी

सांग तुझ्या त्या स्पर्शाची गाथा

आरशात पाहुनि स्वतःच लाजते मी

का वेड लावलेस माझ्या या मनी

का कळले नाही त्याच क्षणी

तुझ्या या प्रीतीची लागली मज गोडी

अन् तुझ्या प्रेमात झाले मी वेडी

तुझ्या कोमल शब्दांना भावून गेले मी

अन् तुझ्या आसवांत सैराट वाहून गेले मी