माझी आई

ईश्वरासम पुज्य मनमंदिरी,

प्रेमळ मूर्ती माझ्या आईची.

घडविले उदरात आपुल्या,

आकृती रचून रक्तथेंबाची .

लळीवार शिशूस पाजी मुखी,

अमृताहूनी गोड धार दुधाची.

युगे भासे तृप्ती डोळा,

छाया सदा वरद हस्ताची.

बळ पेशींना जगण्यास देई,

थोर योगीताचे ज्ञानसागर.

लाभे सात जन्माची पुण्याई,

आजन्म न फिटे ऋणभार.

सागराहूनही विशाल माया,

मांडी अनमोल बिछान्याहूनी.

कर तीचे मऊमऊ स्पर्शातले,

निद्राधीन जावे सदैव नयनी.

अमुल्य खाण सुसंस्काराची,

जगी नसे कोण तुजसमान.

जिव्हाळा अफाट शब्दगंधात,

स्फुुरण चढे होण्यास गतीमान.