माय मराठी
माय मराठी
Hi, Hello पेक्षा आमच्या माय मराठीच्या
नमस्काराची शालीनताच लय भारी
Ohh च्या स्वरापेक्षा अरे देवा अन बापरे ची
भावनांत भिजलेली गोडवीच लय न्यारी
ज्ञानेश्वरी, भागवत, अभंगांच्या
भक्तिरसात नहाली ती संतांचिया द्वारी
अमृताची सर ल्याली मराठी
मायेचा पाझर सदा तीच्या उदरी
भोळी भाबडी कधी रांगडी ती
खेळली माझ्या शिवबाच्या दरबारी
हर हर महादेवाच्या लकारीत तळपली
कधी मर्द मराठी मावळ्यांच्या तलावरी
उदो उदो होई तीचा चहुदीशी
रोविला तीचा झेंडा पार अटकेपारी
कणाकणावर, मनामनावर अधिराज्य करून
दरवळते म्हराष्ट्राच्या घरघरात जणू कस्तुरी