मी मराठी शाळा बोलते
मी मराठी शाळा बोलते
मीच ती शाळा जीने घडवले मोठे नेते राजे
आठवणीची कलकल मनात घंटा जेव्हा वाजे
एके काळी स्वर्ण पाकळी शाळा माझी होती
वाडवडील आमचे सर्व सांगत ती तिची महती
विद्यार्थ्यांनी गजबजलेली सदैव शाळा होती
फुलपाखरांस आवडणारी छानशी बाग होती
किती घडवले तिने माणसे याची गणती नाही
कृत्रिम असे इंग्रजी स्कूल नैसर्गिकता नाही
भूतकाळात तिने भरारी उंच घेतली आहे
वर्तमानात परिस्थिती तिची बिघडली जरा आहे