पहिला पाऊस
पहिला पाऊस
पाऊस हा हवासा छेडीत चिंबणारा
मोहोर पालवीचा झाडात डोलणारा
दाटून मेघ येता झोकात गर्जणारा
गंधास भावनांच्या अलवार शोधणारा
पाऊस काळजाला हळुवार झोंबणारा
थेंबात आसवांना मापात तोलणारा
मी शोधला किनारा स्पर्शात भावणारा
हा पाश चातकाचा मोहात गुंतणारा
फुलवूनिया पिसारा प्रेमात जागणारा
हा खेळ मोरणीचा नृत्यात साठणारा
पाऊस कोसळे हा रंगात रंगणारा
पहिल्याच पावसाला थेंबात माळणारा