पुन्हा शाळेत जावे
पुन्हा शाळेत जावे
मुके झाले हे आज शब्द , हृदयाला माझ्या पाझर फुटला .
शाळेमधले दिवस आठवूनी , आठवणींना मोहोर आला.
कळलेच नाही कधी संपल्या , त्या खोड्या माझ्या तुझ्या
धास्ती नव्हती आदर होता , प्राध्यापक म्हणून तुमचा
विचार जुळले अनोळखी सवे , नाती जोडली मनाची
अवगुण जुळले तुझ्याशी , मैत्री असावी आपुलकीची
तुझ्या वहीवर माझ्या रेषा , नकाशात शोधू गाव देशा
तुझा खाऊ माझ्यासाठी , माझे पुस्तक त्याच्यासाठी
प्रत्येक चित्रात मैत्रीचे प्रतिबिंब , जुने हे रेशमाचे बंध
दोस्तीने निर्मिलेले व्यंग , मी त्यातला एक पुसटसा रंग
हळू हळू दिवस गेले , मैत्रिणींसोबत गप्पा करत
खाल्लेले डबे पकडले गेले , आमच्या कळत नकळत
परीक्षेतील त्या आठवणी , माझ्या खाणाखुणाना तुझे उत्तर
भाषणे दिली नाटके केली , नृत्य संगीत यांना आम्ही तत्पर
स्नेहसंमेलनाना खेळलो , मग ठरलेली आरोळी सहलींना
बागडलो भटकलो , आज शोधतेय त्याच जुन्या वाटांना
पंखांना बळ दिले शिक्षकांनी, विसरुनी पक्षी गेले उडूनी
आजही वाटते अल्लड होऊनी, पुन्हा शाळेत जावे फिरुनी