रंग प्रेमाचे

जीवनी भरला असा, 

रंग प्रेमाचा कसा ?

भावतो तो तसा ,

भाव नजरेत जसा

      रंग न्यारा प्रेमाचा ,

      वंद्य जगी तो आईचा

      माता ममता मायेचा ,

      प्रेम पान्हा अमोल तईचा

रंग तो खरा प्रेमाचा, 

हरीवरचा तो मीरेचा .

नितांत खोल अंतरीचा ,

पडे विसर मग तो धरेचा

      रंग तो प्रेमाचा विखारी ,

      दिसे स्वार्थलोलूप नजरी

      ओसंडे वासना बाजारी ,

       मनाविरुद्ध तेथे जबरी

प्रेमरंग तो असावा भावणारा,

स्नेह दरवळ अंतरी पसरणारा

असावा बंधनी कच्च बांधणारा ,

विश्वासाने एकमेकात गुंफणारा