ऋतु श्रावण
ऋतु श्रावण
1 min
215
जणू साऱ्या निसर्गाचा
शोभे सुगंधी साबण
आला पाऊस घेऊन
आला ऋतु तो श्रावण !
रान हिरवे हिरवे
झाले पाचूचेच वन
जपू असे निगुतीने
निसर्गाचे सर्व धन !
धरतीच्या अंगठीला
शोभे हिऱ्याचे कोंदण
कुठे लपवावे आता
असे मिळाले आंदण !
लक्ष्मी प्रकटली येथे
शेती मातीच्या रुपाने
मुक्त कणसात आले
शुद्ध नितळसे सोने !
वेचू सोनियाचे दाणे
वेचू मोतियाचे कण
सुख समाधान देवो
सुखी असावा श्रावण !