"सांग तू आहेस का?

मनातल्या काळोखात जपले नाते

आजही तूझ्या माझ्या आठवणींचे

आठवतात मला आजही नेहमी

दिवस तेच, आपल्या बालपणीचे//१//

सांग तू आहेस का? कुठे?

बऱ्याच वर्षांनी, दिसली नाही

तुझी हाल खुशाली मला

कित्येक दिवसांची कळली नाही//२//

असा दिवस, एकही नाही

आठवण तुझी आली नाहीं

हृदयात माझ्या, प्रसन्न छटा

दूर तू मी पडलो एकटा //३//

मन माझे विचार करते

तू आहेस की नाही आता

कुठवर चालणार असले सत्र

येईल की नाही? तुझे एक पत्र//४//