शब्दास गंध
शब्दास गंध
गंध फुलांचा मनी उतरला
भाव मनीचा शब्दी रंगला
शब्दासंगे वेड्या मनाला
गंध प्रीतीचा सांगून गेला
प्राजक्त बहरात गंधाळला
मोगरा ही आसक्त झाला
शब्दासंगे वेड्या मनाला
गंध प्रीतीचा भाळून गेला
पानोपानी भाव उमटला
शब्दास गंध मातिचा आला
मृदगंधित भास वेड्या मनाला
श्रवाणी आभास देवुनी गेला
नभी मेघ दाटूनिया आला
संगे पाऊसधारा ओल्या
श्रावणीआस वेड्या मनाला
शब्दगंधात सरी न्हाल्या
आसमनीची सांगे शब्दाला
भावमनीचा कोमल भावला
शब्दासंगे वेड्या मनाला
प्रीतीगंध शब्दात अत्तरला
सांज अशी ती वेडावली
गंधित आस मनी जागली
शब्दास गंध येतो नभीचा
शब्दात कविताही गंधाळली