शहीद
शहीद
सलाम त्या मातेला
जिचा शहीद होतो पुत्र
घालमेल त्या भार्येची
जेव्हा काढावे लागते मंगळसूत्र
सदैव तत्पर असतात निधड्या छातीने
गोळ्यांचे वार सहन करण्यासाठी
जावे लागते अर्ध्यावर सोडून
आयुष्य देशरक्षणासाठी
समाधान असते मनी
देशाच्या कामी येण्याने
दुःख एवढेच असते
काय होईल आपल्या जाण्याने
शौर्यचक्र दिले जाते
वीर मरणाचा ठेवून मान
पण डोळेच नसतात
बघायला ती शान