विषय: कांदे पोहे
विषय: कांदे पोहे
एक काळ असा होता की
कांदे पोहे म्हटलं की माझ्या
पानी सुटायचं हो तोंडाला |
आता कांदे पोहे नाव ऐकूनच
बसल्या जागेवरच मला की हो
घाम लागतो बरं फुटायला | |१| |
गेलो होतो पहिल्यांदाच मी
माझ्यासाठी मुलगी पहायला |
सोबतीला जिवलग मित्र ही
नेला होता मी तिला पहायला | |२ | |
लाजत मुरडत खाल मानेनं
थरथरत तिनं पोहे पुढे केले|
डोळं भरून पाहण्याच्या नादात
नकळत पोहे हातातून सुटले | |३ | |
मग काय विचारता पुढे राव
मला सारं ते सावरायलाच
त्या मुलीला हो म्हणावं लागलं |
आयुष्य भरासाठी उलटपक्षी
पदरी पडलं न पवित्र झालं हे
मला मात्र ऐकावंच लागलं | |४| |
आतातर कांदा झालाय महाग
भाव ऐकून आणतो डोळा पाणी |
कढईतल्या कांदे पोह्यां विषयी
आयुष्याभर ऐकून घ्यावी गाणी | |५| |
आतातर पोहे खाऊन उलटं
पित्त लागलंय माझं खवळू |
कांदे पोह्यांऐवजी गाड्यावर
कांदाभजीच लागलो बरं तळू | |६| |
आताशा तर मी कुणाबरोबरही
मुलगी पहाण्यासाठी नाही जात |
जावं लागलंच तरी विनाकारण
मुलींकडे फिरकूनही नाही पहात | |७| |