ଆଖିରୁ ମୋ ଲୁହ ଝରିଲା

ହସିଦେଲି ବୋଲି ହସିଦେଲ ତୁମେ   

ବୋଧେ ହସିବାର ନଥିଲା

ସେଇ ହସ ଆଜି ମନେ ପଡିଗଲେ

ଆଖିରୁ ମୋ ଲୁହ ଝରିଲା ।

ମୁଁ ହସିଦେଲି ତୁମେ ହସିଦେଲ

ଆଖିରେ ଆଖିରେ ମିଶିଲା

ଓଠର କଥାକୁ ଆଖିରେ କହିଲ

ହୃଦୟରେ ତୀର ପଶିଲା ।

ମନ ମୁଁ ଦେଲି ମନ ତୁମେ ଦେଲ

ଭାବ ଦିଆ ନିଆ ଚାଲିଲା

ଭାବରେ ଭାବରେ ପ୍ରୀତିରେ ପ୍ରୀତିରେ

ତୁମ ଆମ ପ୍ରେମ ବଢ଼ିଲା ।

ଗରିବ ବୋଲି ଜାଣିଦେଲ ଯେବେ

ତୁମେ ମୋତେ ମୁହଁ ମୋଡିଲ

ଧନୀ ପୁଅ ଟିକୁ ପ୍ରେମରେ ଫସାଇ

ମୋ ବାଟ ଭାଙ୍ଗି ତୁମେ ଚାଲିଲ ।

ପ୍ରଥମ ହସ ଟି ମନେ ପଡ଼ିଯାଏ

ବୋଧେ ହସିବାର ନଥିଲା

ସେଇ ହସ ଆଜି ମନେ ପଡିଗଲେ

ଆଖିରୁ ମୋ ଲୁହ ଝରିଲା ।