ବାଃ ରେ ଜୀବନ

 ସଫଳତାର ଅନ୍ତହୀନ ଆକାଶ ଦେଖିଛି

ବିଫଳତାର ତଳ ବହୁତଳ ପାତାଳ ଦେଖିଛି

ଅବଶ ମନରେ ଅସ୍ତଗାମୀ ସଞ୍ଜ ବି ଦେଖିଛି

ନୂଆଁ ଆରମ୍ଭର ନୂଆଁ ସକାଳ ଦେଖିଛି

ସୁନ୍ଦର ସକ୍ଷମ ଚେହେରା ବି ଦେଖିଛି

କ୍ଷୁଧାତୁର ଚମଡା ଉପରୁ

ଠେଲି ଚାହୁଁଥିବା କଙ୍କାଳ ଦେଖିଛି

ସୁନା ଫସଲରେ ଉଛୁଳା କ୍ଷେତ ବି ଦେଖିଛି

ତୃଷ୍ଣାତୁର ମାଟି ଆଁ ସଙ୍ଗେ ଅକାଳ ଦେଖିଛି

ପୁଣ୍ୟର ଆଭାରେ ସ୍ନିଗ୍ଧ ସୁବେଶିତ ସୁଜନ ଦେଖିଛି

ପାପର କାଳୀମାକୁ ମୁଖାରେ ଘୋଡାଇ ହସୁଥିବା କେତେ ମୁଁ ଚଣ୍ଡାଳ ଦେଖିଛି ।

ବାଃ ରେ ଜୀବନ! କେତେ ରୂପ ତୋର ମୁଁ ନିଇତି ଦେଖୁଛି

ନିଇତି ଶିଖୁଛି 

ତଥାପି କିଛି ।