ଭିଜା ଭିଜା ବର୍ଷାଦିନ
ଭିଜା ଭିଜା ବର୍ଷାଦିନ
ବାଟ ଭୁଲି ଯାଇଛି ମୌସୁମୀ
ଝର ଝର ବରଷୁନି ପାଣି
ଆସୁନାହିଁ ଭିଜା ଭିଜା ବର୍ଷା ଦିନ
ଉତ୍ତପ୍ତ ବି ଆଷାଢ ଶ୍ରାବଣ
ଦହଗଞ୍ଜେ ଜଳୁଛି ଜୀବନ ।
ବହୁନାହିଁ ଶୀତଳ ପବନ
କୁଳୁ କୁଳୁ ବହୁନାହିଁ ପାହାଡି ଝରଣା
ନଈ ନାଳ ପୋଖରୀ ଶୁଖିଲା
ଧାନବିଲ ମାଟି ଶୁଖି କରୁଅଛି ଆଁ
ଚର୍ତୁପାର୍ଶ୍ବେ ପ୍ରଦୂଷଣ
ହିଂସା ଦ୍ବେଷ ଭୟ ଓ ଆତଙ୍କ
ହୁତୁହୁତୁ ଜଳୁଅଛି ନିଆଁ ।
ଅଲୋଡା କାଗଜ ଡଙ୍ଗା
ଭାସି ଭାସି ଯାଉନାହିଁ ଅକାତରେ
ଅଗଣାରେ ପାଣିରେ ସୁଅରେ
ଦିଶେନାହିଁ ଅନ୍ଧକାରେ କୂଳ କି କିନାରା ,
ଅଥୟ ଆସନ୍ତାକାଲି ସୁନ୍ଦର ଭବିଷ୍ୟ
ଭାଙ୍ଗିଯାଏ ସୁଖ ସ୍ବପ୍ନ, ନୂଆ ମନ
ଆଶା ଓ ଆକାଂକ୍ଷା
ଅଧାଗଢା ଜୀବନ
କାଗଜ ଡଙ୍ଗା
ବର୍ଷା ବିନା ଲାଗେ ବେସାହାରା ।