ଭୋକ
ଭୋକ
1 min
236
ଖୁବ ନିକଟରୁ ମୁଁ ଦେଖିଛି
ଆଖିକୋଣରୁ ନିଗିଡି ପଡୁଥିବା
ପାଣିଚିଆ ଲୁଣିଆ ଲୁହଗୁଡାକୁ
କେମିତି ଓଠ ପିଇଯାଏ !!
ଧୂ ଧୂ ନିର୍ଜନ ଖରାତାତିରେ
ସ୍ୱେଦଯୁକ୍ତ ଘର୍ମାକ୍ତ ଶରୀର
ଧୂଳି ଧୂସରିତ ଅଙ୍ଗ ଅବୟବ
କେମିତି ଲୋଟିପଡ଼େ ଚଲାପଥେ !!
ଦାଉ ଦାଉ ଭୋକର ଲୁଚକାଳି
ଚକ୍ଷୁଯୁଗଳରେ ନିର୍ଲିପ୍ତ ଭାବ
ଅବଶ କ୍ଳାନ୍ତିଭରା ଶରୀର
ଆଶ୍ରା ବୃକ୍ଷର ଶୀତଳ ଛାଇ !!
ଲାଜଢାଙ୍କେ କୋତରା ଦୁର୍ଗନ୍ଧ
ଛିଣ୍ଡା ସାତସିଆଁ ପରିଧାନ
ସ୍ପଷ୍ଟ ଏଠି ଦୈନ୍ୟତାର ଛାପ
ତଥାପି ବଞ୍ଚିବାକୁ ସଂଗ୍ରାମ !!
ପାଦରେ ଅସହ୍ୟ ଯନ୍ତ୍ରଣା
କ୍ଷୁଧା ନିଦ୍ରା ଅପହଞ୍ଚ ଏଠି
ପେଟ ପିଠି ଏକାକାର
ନିଃସ୍ୱତାର ମୂର୍ତ୍ତିମନ୍ତ ପ୍ରତୀକ !!
ଭରସା ସମର୍ପିତ ପଥପ୍ରାନ୍ତକୁ
ବାବୁଭୈୟାଙ୍କ ହାତଟେକାକୁ
ମାଟିମାଆର ଆଲିଙ୍ଗନକୁ
ଚାଲିବାକୁ ହେବ ପଥ ବହୁଦୂର !!