ବନ ମହୋତ୍ସବ
ବନ ମହୋତ୍ସବ
ଆସେ ଝୁମିଝୁମି ମଉସୁମୀ ରାଣୀ
ନାଚେ ଛମଛମ ବନେ ମୟୂର
ଚମକେ ବିଜୁଳି ମାରେ ଘଡଘଡି
ଝିପିଝିପି ହୋଇ ବର୍ଷେ ବାଦଲ ।
ସବୁଜ ପଣତ ଉହାଡେ ପ୍ରକୃତି
ନାଚି ଖିଲି ଖିଲି ଉଠଇ ହସି
କହେ ଚୁପି ଚୁପି ପ୍ରତିଟି କାନରେ
ଦେବିକି ଶୀତଳ ଜଳ ପରଶି ।
ଅନୁକୂଳ ପାଗ ଭୂପୃଷ୍ଠର ମାଟି
ବିଳମ୍ବ କରୁଛ ଆଉ କାହିଁକି
ଜୁଲାଇ ମାସର ପ୍ରଥମ ସପ୍ତାହ
ବନ ମହୋତ୍ସବ ମନେ ନାହିଁ କି ?
ବେଉଷଣ କରି ଯତନେ କୁଣ୍ଡରେ
ରୋପିଦିଅ ଏବେ ଛୋଟିଆ ଚାରା
ଗୋଟି ଗୋଟି କରି ପୋତିଦେବ ନେଇ
ସବୁଜ ଦିଶିବ ଜମି ପଡିଆ ।
ଧରିବି ଜାବୋଡି ମୋ ଚେରମୂଳରେ
ଉର୍ବର ମୃତ୍ତିକା ହେବନି କ୍ଷୟ
ବଢିଗଲେ ଦେବି ଶୁଦ୍ଧ ଅମ୍ଳଜାନ
ବାସ ଫଳଛାୟା ଆଉ ଆଶ୍ରୟ ।
ଯୋଗାଇବି ଖାଦ୍ୟ ବସ୍ତ୍ର ବାସଗୃହ
ପଥି ଓଉଷଧି ପେୟ ମଧୁର
ବନ ମହୋତ୍ସବ ସବୁଜ ଭାବନା
ଜାଗୁ ପ୍ରତିମନେ ସ୍ୱପ୍ନ ସୁନ୍ଦର ।