ମା ଦୁର୍ଗା ପ୍ରାର୍ଥନା
ମା ଦୁର୍ଗା ପ୍ରାର୍ଥନା
ଆହେ ପ୍ରେମ ମୟୀ
ମୋତେ ଦୟା ବହି
କେତେ ତୁମେ ପାଅ ଭଲ ।
ନିଜର କରି ମୋ
ଚୁନା ସଂସାରକୁ
ସୁନା କରି ଗଢି ଦେଲ ।
ଚିନ୍ମୟୀ ସୁ ମାତା
ଥିଲେ ନାହିଁ ଚିନ୍ତା
ସୁଖ ଆଣୁ ଏ ଜଗତେ ।
ଭୁବନ ମୟୀ ତୁ
ଆହେ ଜ୍ୟୋତିର୍ମୟୀ
ଆନନ୍ଦ ବାଣ୍ଟୁ ତୁ କେତେ ।
ମୋ ମନ ମନ୍ଦିରେ
ବିଜେ ହୁଅ ବାରେ
ବିଶ୍ୱାସ ଆସୁ ପରତେ ।
ମିନତୀ କରୁଛି
ଆରତୀ ବାଢୁଛି
ମୁଁ ଭାରି ଖୁସି ମରତେ ।
ଅସୀମରୁ ଆସ
ସସୀମ ରେ ବସ
ଜଗତ କାରିଣୀ ମାତା ।
ଧୂପ ହୋଇ ମୁହିଁ
ପାଶେ ଜଳିବଇଁ
ଆମ୍ଭର ଜୀବନ ତ୍ରାତା ।
ତଵ ଅରଚନା
ପଦ କୁ ବନ୍ଦନା
ହେବି ପଛେ ମୁଁ ସଳିତା ।
ଅଭୁଲା ପରଷ
ତୋହରି ଆଶ୍ୱାସ
ବୁଦ୍ଧି ପାଉ ନାହିଁ ପତ୍ତା ।
ନାମର ସ୍ପନ୍ଦନ
ଦୁର୍ଗା,ରେ କମ୍ପନ
ଶିହରଣ ନୂତନ ତା ।
ମୋ ମନର ବନ
ଅଛି ଛିନ୍ନ ଭିନ୍ନ
ଭକ୍ତି ପ୍ରୀତିର ମମତା ।
ବରଷକ ଥରେ
ଆସ ଶାରଦରେ
ପ୍ରିୟ ପରମ ଦେବତା ।
ଦୁଃଖ ତ ନଥାଏ
ଏ ପୁର ପଲ୍ଲୀରେ
ତୁମେତ ସଭିଙ୍କ ମାତା ।