ବୃକ୍ଷ ରୋପଣ
ବୃକ୍ଷ ରୋପଣ
ଗ୍ରୀଷମ ତାପରେ ତାପିତ ଏ ଧରା
ସନ୍ତୁଳିତ ହୁଏ ପ୍ରାଣ ।
ବୃକ୍ଷକୁ ଛେଦନ କରି ଅରଜିଛେ
ହୋଇଛି ବିଶ୍ୱ ତାପନ ।୧।
କୋଟି କୋଟି ବୃକ୍ଷ ବଳି ଦେଇ ଆମେ
ଗଢି ଅଟ୍ଟାଳିକା ହର୍ମ୍ୟ ।
ନିଜର ଜୀବନ ନିଜେ ହିଁ ନେଉଛେ
ଭୁଲିଗଲେ ସବୁ ଧର୍ମ ।୨।
ଗୋଟିଏ ବୃକ୍ଷକୁ କାଟିବା ଭାବିଲେ
ଶହେଟି ବୃକ୍ଷ ପୋତିବ ।
ତେବେ ସିନା ପ୍ରକୃତିର ସଂରକ୍ଷଣ
ସୁନ୍ଦର ଭାବରେ ହେବ ।୩।
ବୃକ୍ଷକୁ ଛୋଟିଆ ନ ଭାବିବ ମନେ
ବୃକ୍ଷ ଦିଏ ଅମ୍ଳଜାନ ।
ବୃକ୍ଷକୁ ନ କାଟି ହୋଇ ଏକ ମେଳ
କରିବା ବୃକ୍ଷ ରୋପଣ ।୪।
ଜୀବନ ଧାରାରେ ବୃକ୍ଷ ଯୋଡି ହୋଇ
ରହିଛି ସଦା ଆମର ।
କାଠ ଯୋଗାଏ ସେ ଖାଦ୍ୟ ଯୋଗାଏ ସେ
କରେ ଆମ ଉପକାର ।୫।
ନିଜର ଫଳ ସେ ନିଜେ ଖାଏ ନାହିଁ
ପୋଷକ ହୁଏ ଆମର ।
ଜୀବନରେ କେବେ ଭୁଲି କି ପାରିବା
ପ୍ରତିଦାନ ବୃକ୍ଷଟିର ।୬।
ଫୁଲ ଫଳ ତାର ସୁନ୍ଦର ମଧୁର
ଔଷଧୀୟ ଗୁଣେ ଭରା ।
ଦରଶନେ ତାର ଜାଗଇ ପୁଲକ
ହେଉ ଆମେ ଆତ୍ମହରା ।୭।
ଜୀବର ସୁରକ୍ଷା ଧରମ ବୃକ୍ଷର
ସାଧୁ ତାହର ଜୀବନ ।
ପରହିତ ପାଇଁ ବୃକ୍ଷଟିଏ ସିନା
ଦିଅଇ ନିଜ ଜୀବନ ।୮।
ଆସ ବନ୍ଧୁଗଣ କରିବା ଏ ପଣ
କରିବା ବୃକ୍ଷ ରୋପଣ ।
ହସିବ ଏ ଧରା ନିଶ୍ଚେ ସୁରକ୍ଷିତ
ରହିବ ଆମର ପ୍ରାଣ ।୯।