ଚିହ୍ନିଛି ଜାଣିଛି
ଚିହ୍ନିଛି ଜାଣିଛି
ଚିହ୍ନିଛି ଜାଣିଛି ତୁମକୁ ପ୍ରଭୁ ହେ
ତୁମେ ମୋ କଳା ଠାକୁର
ଅଜଣା ଇଲାକା କରିଛି ଦଖଲ
କେଇ ଦିନ ବାସ ଘର
ହାଟେ, ହାଟ ସଉଦା ମୋହର ।
ସରିଲେ ସଉଦା ହାଟରୁ ମୋହର
ଫେରିବି ତୁମ ପାଶକୁ
ଖୋଲି ଦେବ ପ୍ରଭୁ ତୁମ ପାଶେ ମୋର
ପାପ ପୁଣ୍ୟ ପୋଟଳୀକୁ
ପାପ ମୋର କେତେ ପୁଣ୍ୟ ମୋର କେତେ
କରିବ ତୁମେ ବିଚାର ।
ଯିବାର ପୂର୍ବରୁ ଏତିକି ମିନତୀ
ଥାଉ ତୁମ ଶୁଭ ଦୃଷ୍ଟି
କରୁଥିଵି ସଦା ପୁଣ୍ୟର ସଉଦା
ପାପରେ ପକାଇ ଗଣ୍ଠି
ହାଟକୁ ପଠାଇ ହଟ କରିବନି
ଦାସାନୁଦାସ ତୁମର ।